Zo vind ie de weg in de contentjungle.

SEO, SEA, customer journey, content mapping – n website is tegenswoordig veul meer as n online visitekoartje. Elke klant die begint an n customer journey op joen website zal te maken kriegen mit beren en tiegers op de weg. Hoe begelaid ie disse klanten van prospect noar sale? Ie roaden t vast al: mit relevante content. Mar wat is relevante content en woar mout ie beginnen? Mit disse tips maken wi’j joe wegwies in de contentjungle.

Content marketing vs. Inbound marketing

Tegenswoordig is der online meer content beschikboar as ooit. Bedrieven lieken onderling n echte wedloop te hoolden mit heur content. As ie krek beginnen mit content creoatie liekt disse hoeveulheid content overweldigend. Bovendien kost t creëren van content tied én geld. t Is belangriek om goed te bedenken wat ie bereiken willen mit de content die ie anbeeden op joen website.
Om te bekieken welke vorm van content t meest bruukboar is veur joen website is t belangriek om onderscheid te maken tussen content marketing en inbound marketing.

Woar content marketing zuk globoal richt op t creëren en dailen van waardevolle informoatie, richt inbound marketing zuk op t dailen van kennis, vunden worden d.m.v. SEO en t opbouwen van duurzame relaties. Hoewel baaide termen mekoar overlappen, is inbound marketing dus meer richt op de customer journey.

Wel tied én geld bespoaren wil op t creëren van content kan zuk t beste richten op inbound marketing.

Ken joen klanten

t Startpunt van inbound marketing is t dailen van kennis. t Is belangriek om hierin de wensen en behoeftes van joen klanten te kennen. Perbeer te beredeneren tegen welke problemen zi’j anlopen, woar joen product of dainst n oplossing veur beeden kan.

N veurbeeld. Anouk verkoopt watersparende tuunsproeiers. In plaots van te beschrieven woarom heur tuunsproeiers de beste op de markt binnen, beredeneert Anouk vanuut de klant. Wel is op zuuk noar n slimme tuunsproeier en wat tikt hi’j of zi’j in op Google? Anouk ontdekt dat veul mensen problemen ondervinden mit t mooi hoolden van heur tuun bi’j anhoolende drogte in de zoomer. Tel doarbi’j op dat ze minder sproeien mogen! Anouk besluut n blog te schrieven over droge zoomers, de oproup van waterbedrieven om minder te sproeien en netuurlek dé oplossing – watersparende tuunsproeiers.

Deur t bekieken en implementeren van zeuktermen as “droge zoomer tuun, minder sproeien” tegenover “watersparende tuunsproeier”, zörgt Anouk veur betere vindboarheid van heur website. Ok veur die mensen die heur product nog niet kennen.

Hool t persoonlek, hool t simpel

t Schrieven van relevante content is best lastig. N probleem-oplossing structuur is n goed startpunt. Beredeneer woar n meugelke klant tegen anlöpt en wat zien of heur wensen of behoeftes binnen. Geef antwoord op bestoande vroagen in blogs, casestudies of nijsberichten. Zelf content schrieven toch niet joen ding? Besteed t uut! Wi’j helpen joe geern.