Tips veur Black Friday

Elk joar komt dit fenomeen vanuut Amerika weer weerom in Nederland: Black Friday en Cyber Monday. t Oflopen joar binnen de online ankopen al flink stegen deur de Coronacrisis en blift Black Friday in populariteit groeien. Doarom wordt ok dit joar n nije stieging verwacht in zowel de online as de fysieke ankopen. Um derveur te zörgen dat ie as ondernemer t maximale uut disse doagen hoalen, hebben wi’j in disse blog n antal tips veur joe op n riegel zet. Nijsgierig worden? Lees gauw verder!

Hou berei ik mi’j veur?

Tip 1: Anbiedingen
Zoas bi’j elkenain bekend is, staat Black Friday veur anbiedingen. Consumenten verwachten ondertussen ok echt goeie deals. Bepoal doarom van tevoren al welke anbieding en körtingen ie kun’n en willen geven. Mar kiek ok ais noar joen concurrentie. En ja, joen marge kan klainer worden, mar ie kun’n beter scoren wanneer ie meer körting anbeeden.

Tip 2: N actiepagina
Maak veur Black Friday en Cyber Monday n speciale actiepagina an, woarop ie de bezukers teasen kun’n veur de kommende anbieding. Bedenk wel dat ie nog niks concreets nuimen, totdat ie echt zeker weten wat de anbieding wordt. Deel t linkje dan bi’jveurbeeld in nijsberichten. Hou eerder ie dit doun, hou groter de kans dat Google joen pagina metnemt in de indexoatie. Des te groter is de kans dat ie vunden worden tiedens disse actiedoagen.

Tip 3: Social Media
Veul mensen binnen te vinden op social media. Nuim doarom ok op joen verschillende social media kanoalen dat ie metdoun an Black Friday, desnoods mit n linkje noar de actiepagina. Ie kun’n ok n Facebook-evenement anmaken um joen volgers op de hoogte te brengen. Hou meer mensen der op de hoogte binnen, hou groter de kans dat ie meer verkopen goan.

Tip 4: Nijsbrieven
N nijsbrief sturen noar joen klanten kan derveur zörgen dat ze op de hoogte binnen van joen deelname an Black Friday en Cyber Monday. Wi’j roaden an um zo’n e-mail twij keer te versturen: ain week veur en ain dag veur Black Friday.

Extra tip: segmenteer joen e-maillieste. De interesse van klanten in producten verschilt. Perbeer disse klanten te segmenteren en beed passende producten an.

Wat te doun op de dag zölf?

Tip 1: Vindboare actiepagina
Zörg dat de actiepagina gauw en makkelk te vinden is vanof joen homepagina. Vouge de pagina bi’jveurbeeld an joen menu tou of plaots n nij blok op de website mit de link noar de pagina.

Tip 2: Overtuig joen bezukers
Zörg derveur dat de bezukers niet um de anbiedingen hen kun’n. Vertel concreet wat de anbieding is/houveul körting ze kriegen. En zörg derveur dat de bezukers zien dat de actie allennig geldig is op die dag.

3. Black Friday bericht
Vergeet niet um op de dag zölf ok nog n e-mail te sturen mit de anbiedingen en de link noar de actiepagina. Post ok nogmoals n bericht op social media. Zo zörg ie derveur dat klanten joen anbiedingen niet vergeten.

4. Kom joen belofte noa
t Belangriekste van allns: kom noa wat ie beloven. As ie de verwachtingen van klanten niet woarmaken, zullen klanten niet gauw weerommen. Zörg dat ie voldounde veurroad hebben of dat ie de anbieding op tied van de website hoalen kun’n. Mar denk ok ais an joen aandere beloften, zoas levertieden, verzendkösten etc. Disse mouten ok tiedens Black Friday en Cyber Monday kloppen.

Opvolging van Black Friday

Mit disse tips veur Black Friday, weten ie zeker dat allns goud regeld is veur de dag zölf. Mar ok noadat Black Friday oflopen is kun ie nog perbeeren um producten te verkopen. Denk bi’jveurbeeld an n nijsbrief um joen nije klanten te verwelkomen. Of stuur n mail noar klanten die de winkelwagen verloaten hebben zonder wat te kopen. En weten ie nou al dat ie volgend joar weer mit n anbieding kommen? Verwieder dan de pagina niet. De pagina blift dan relevantie opbouwen. Volgend joar kun ie de pagina dan anpassen. Zo weten ie zeker dat Google joen pagina al geïndexeerd het en de pagina gauwer vindboar is.

Nog n extra tip: Evalueer. Niet allennig joen aigen actie mar ok wat joen concurrenten doan hebben. Mit disse informoatie kun ie volgend joar nog beter veurbereid wezen en mit nog scharpere deals kommen!

Hulp neudig?

Webba kan joe helpen mit t uutvoeren van bovenstoande tips veur Black Friday. Ons marketeers kun’n bi’jveurbeeld social media berichten plaotsen, n actiepagina anmaken of n nijsbrief veur joe opstellen. Dus heb ie hulp neudig? Nem dan gauw contact mit ons op!