Webdesign trends in 2019.
Webdesign trends van 2019
In 2019 gaot webdesign veural over de gebruuksvrundelkheid van joen website. De snelheid van joen website, mobiele websites en opvalende ontwarpen mit bi’jveurbeeld n asymmetrische lay-out speulen hierbi’j n belangrieke factor.
Mobiel eerst
Mobielvrundelke websites worden deur Google tegenswoordig hoger in de zeukresultoaten zet as mobiel onvrundelke websites. Dit betaikent dat t mobiele ontwarp van joen website ok n grote rol speult in de vindboarheid van joen website in zeukmesjiens. Bi’j n website woarbi’j ie n mobielvrundelk ontwarp maken willen, maak ie eerst t ontwarp veur t gebruuk op mobiel, doarnao pas warkt ie t ontwarp uut noar n versie veur desktop.
Snelheid
Om n goeie eerste indruk te maken bi’j de bezuker van joen website, is t belangriek dat joen website in minder as 3 seconden laodt. Wanneer de website meer tied neudig het om te laoden, zullen bezukers joen website gauwer verloaten. Elkenain wil netuurlek n website die gauw laodt, en dit is dan dus ok n belangriek punt bi’j de gebruuksvrundelkheid van joen website. Alles mout tegenswoordig gauwer, dus t loaden van joen website ok.
Parallax scrollen
Ie kun’n joen website dynamischer en innovatiever maken deur t gebruken van parallax scrollen. Parallax scrollen zörgt der veur dat joen website gauwer de andacht grippt én gauw n connectie maakt mit joen bezuker. De bezuker kriegt mit dit effect meer n beleving op joen website, woardeur disse ok weer meer genaigd zal wezen om langer op joen website te blieven hangen. t Belangriekste bi’j parallax scrollen is dat disse in combinoatie mit n grote en sprekende ofbeelding wel simpel blieven zal. Aans zal joen website gauw te druk worden, woardeur joen bezukers weer gauwer joen website verloaten goan.
One page design
Snelheid en minimalisme binnen belangrieke trends die op verschillende menaaieren weerumkommen. Dit komt dan ok weerum bi’j n one page design. N one page design, ok wel bekend as pageless design, is n website dat bestiet uut mar 1 pagina, in plaots van meerdere losse pagina’s. t Noadeel van n enkele pagina is wel dat de SEO minder goed warken zal. N enkele pagina laodt wel gauwer, veural ok op mobiel. Zeukmesjiens kun’n hierdeur ok gauwer de inhoold van joen website indexeren, want n enkele pagina betaikent ok dat ie minder vertragende onderdailen op joen website hebben. t Veurdeel van n enkele pagina is ok dat disse makkelker te onderholden is.
Asymmetrische lay-out
Naost n plat ontwarp, is ok n asymmetrische lay-out populair. t Gebruuk van kleuren, vormen, texturen en dynamische ofbeeldingen in joen ontwarp kan de andacht van joen bezuker op n aandere menaaier sturen noar de belangriekste onderdailen op joen website. Dit warkt ok goed tegoare mit t parallax scrollen effect.
Videoachtergronden
t Gebruken van videoachtergronden was al eerder n trend, mar in 2019 wordt dit opnieuw n trend. t Gebruken van videoachtergronden kan t antal conversies verhogen, ok al kan joen website der troager van worden. Videoachtergronden pakken gauwer de andacht van joen bezuker, meer as t gebruuk van n gewone ofbeelding of n tekst. De SEO van joen website kan deur n videoachtergrond ok beter worden, omdat deur t kieken van joen video n bezuker langer op joen website blift hangen, wat n goeie invloud het op de SEO. N videoachtergrond brengt ok gauwer n boodschap of sfeer over, want beelden zeggen meer as woorden. Wanneer ie der veur kiezen om n videoachtergrond te gebruken, mout ie der wel an denken dat disse niet te lang is, gien geluud het en van n hoge kwaliteit is.
Micro-animoaties
Micro-animoaties kun ie gebruken om n consistente en logische ervoaring op joen website te creëren. Micro-animoaties binnen handig bi’j mouse-overs en/of klikken op knoppen. Hiermet het de bezuker van joen website gauwer n goed idee van de functie van bi’jveurbeeld n knop op joen website. N veurbeeld van n micro-animoatie is n kleurverandering van n knop wanneer ie der mit joen muus over hen goan, of t uutklappen van n hamburgermenu wanneer ie op t icoon klikt hebben. Tegenswoordig worden der hoast overal micro-animoaties gebruukt, al heb ie dat meestal niet ais echt deur. Wanneer ie dit niet gebruken, vuilt joen website al gauw wat statischer. Kleine bewegingen op joen website kun’n ok de andacht trekken van joen bezuker en kun’n disse sturen noar belangrieke onderdailen op joen website zoas n contactknop.
Felle kleuren
Felle kleuren kun’n gauw de andacht trekken van joen bezuker. Ie kun’n kleuren gebruken om de emoties en acties van joen bezuker te sturen. Deur t gebruken van de juuste kleuren, kun ie n sterke eerste indruk achterloaten. Kleuren kun ie ok weer gebruken om micro-animoaties extra opvalend te maken. Hiermet stuur ie dan dus weer opnieuw de bezuker. t Gebruuk van te veul felle kleuren kan der veur zörgen dat joen bezuker ofelaid raken kan en dingen vergeten kan, omdat der dan veul te veul te zien is. t Is doarom dus belangriek om n juuste balans te vinden in t gebruuk van de felle kleuren.
Sticky elementen
Sticky elementen binnen al eerder n trend ewest, mar ok in 2019 kommen disse weer weerum. Sticky elementen worden steeds vaker gebruukt en zowel boven en onder, as an de ziekanten van n website zet. Sticky elementen laiden de bezuker niet of en zörgen der veur dat de bezuker gauw en makkelk de belangriekste informoatie op joen website vinden kan. Sticky elementen worden niet allennig gebruukt as navigoatiebalk, mar ok veur bi’jveurbeeld promoties en acties, social media links, n chatbot of veur n call-to-action knop.