5 toffe design trends van 2021.

De wereld van design verandert deurlopend. Elk joar binnen der dan ok weer nije toffe trends woar ie goud op inspeulen kun’n. t Is veural belangriek um n ‘tiedloos’ ontwarp nerzetten. Um echt op te vallen, binnen de hierronder neumde, te dulle trends n perfecte oplossing. Ons designer Melvin het 5 toffe design trends veur joe op n riegel zet. Nijsgierig worden? Lees dan gauw verder!

1. 3D (design & typografie)

Mit disse te dulle trend goan wi’j letterlek noar n aandere dimensie! 3D elementen en tools hadden al n redelke opkomst in t oflopen joar, mar de kommende tied giet t pas echt deur t dak. Loat joen ontwarpen tot leven kommen deur joen 3D designs in t middelpunt van de andacht te zetten! Geef joen ogen n nije visuele ervoaring, en val op. Naost toffe 3D illustroaties is 3D typografie n trend veur 2021. Niet allennig de vorm van de letters, mar ok de kleuren speulen n grote rol. De realistische “glossy” look is wat disse 3D typografie echt tot leven brengt.

Veurbeeld: Leo Natsume (https://www.behance.net/gallery/102758345/UOL-Edtech)

2. Geometrie

Vierkanten, driehouken, cirkels. Simpel mar toch complex. Wat bedoul ik doar nou mit? Disse super simpele vormen warken perfect as puzzelstukjes veur n opvallend en uniek design. De meugelkheden binnen eindeloos mit disse ‘boustainen’. Gebruuk felle kleuren, en bouw te dulle designs. En ohja, wil ie dat joen ontwarp echt goud warkt? Gebruuk n grid!

Veurbeeld: Maria Zaitseva (https://www.behance.net/gallery/102758345/UOL-Edtech)

3. CHAOS!!!

De deuren veur nije ‘out of the box’ concepten binnen opend! Chaotische typografie, hou opvallender willen wi’j t maken? Schoef en speul ais wat mit joen typografie, en ie zullen zien houveul vriehaid ie kriegen in de expressie van joen ontwarp. Combineer dun mit vet tekst. Gebruuk klain, groot, rond, houkig. Gooi de boudel deur mekoar, want t kan en mag!

Veurbeeld: Berkay Taş (https://www.behance.net/gallery/95250915/Posters-Vol2)

4. Emoji’s

2021 is t joar um ons emotionele kant te loaten zien. En dat betaikent niet droavig. Leuke, speulvolle en kleurrieke emoji’s binnen dé manier um te loaten zien hou ie joe voult. Van animoaties tot 3D tot illustroaties. Emoji design is de manier um de andacht te trekken en n lach op iemand zien gezicht achter te loaten.

Veurbeeld: SoLemon (https://dribbble.com/shots/13991725-Notification-Pop-Up-UI)

5. Minder kleur?

Hey, dat is wel tegenstriedig mit die aandere hierboven neumde trends. Klopt, mar t draait ok allemoal um de kunst van t combineren of inzetten van disse trends. Hierin mout ie de juuste ofwegingen maken.

Mar goud, weerom noar disse trend. Minder kleur, hoezo? Rust, eenvoudighaid en doulgericht. Niet te veul poespas. Dat is woar disse trend um draait. En betaikent dit dat ie allns in swart wit ontwarpen mouten? Nee, dat niet. Mar disse “kleurloze” trend beedt wel veul meugelkheden. Mout n element dus echt opvallen? Breek dan de regel, en gebruuk n felle kleur. Kortum, t giet um de kunst van t combineren en inzetten van verschillende trends.

Veurbeeld: Sèrgi Mi (https://dribbble.com/shots/9800109-Fitness-Device-App)

Design bi’j Webba

Meer weten over wat wi’j veur joe op t gebied van design en design trends betaikenen kun’n? Lees hier meer over ons anbod.

Wil ie op de hoogte blieven van nijs, blogs en ons leste ontwikkelingen? Hoald ons social media kanoalen in de goaten!