Webba APP veur Kuipers & Koers Bouw.
‘Mien Kuipers & Koers Bouw’
Onlangs binnen wi’j vroagd om met te denken over de interne processen bi’j Kuipers & Koers Bouw. De eerste stap die wi’j doarin maakt hebben is de ontwikkeling van ‘Mien Kuipers & Koers Bouw’.
N applicoatie woarin (potentiële) klanten van t bouwbedrief online de offertes bekieken kun’n en direct meerwark, bouwopties en keuzeliesten samenstellen kun’n. Zowel tiedens de offerte- as tiedens de bouwfase is dit portaal de plek om t volledige proces op transparante menaaier te volgen. De applicoatie is doarnoast n uutstekend platform om op efficiënte menaaier te communiceren: Kuipers & Koers Bouw mit heur klanten en vice versa.
(Tekst giet verder onder de ofbeelding)
App veur warkers
Naost de ‘Mien Kuipers & Koers Bouw’ applicoatie hebben wi’j ok n app ontwikkelen mag veur de warkers van Kuipers & Koers Bouw. Mit disse applicoatie worden veul papieren processen, zoas urenregistroatie en (VCA) checkliesten, digitoaliseerd. Warkers worden op de hoogte holden van t leste nijs, vrije doagen kun’n der anvroagd worden en de app beedt de meugelkhaid om storingen te melden. In de noabije toukomst wordt de app verder uutbraid mit pakbonscanner(s) veur materioalen, planningsoverzichten en projecttaken.
(Tekst giet verder onder de ofbeelding)
Meerweerde apps veur MKB
Bi’j Webba marken wi’j n touneemende vroag in applicoaties om warkprocessen te verbeteren. Steeds meer ondernemers hebben boat bi’j online applicoaties veur heur bedrief. Deur papieren processen te digitoaliseren, kommen alle gegevens van t bedrief op ain centrale, vailige plek te stoan. Hierdeur giet der minder tied in administratieve bezighaiden zitten. Administroatie is doarnoast niet langer ofhankelk van n fysieke plek. Wel zo vailig in t geval van calamiteiten, zoas brandschoade.
Transparante communicoatie
Online applicoaties nemen in touneemende moate de rol van contactpersonen over. Deurdat warkprocessen automatisch updatet worden en direct inzichtelk binnen veur klanten, is de communicoatie hail transparant. Doarnoast kun’n online applicoaties ok ondersteunen in n betere communicoatie tussen warker en warkgever. N bepoalde handeling, zoas n vrije dag anvroagen, wordt minder arbaidsintensief. N warker dut zien anvroag namelk eenvoudig in de app!
Klantvriendelkhaid veurop
t Bouwbedrief Kuipers & Koers Bouw is onlangs uutroupen tot ‘Beste Bouwer 2019‘. De verkiezing van Beste Bouwer wordt joarleks organiseerd deur Bouwnu.nl, n onofhankelke vergelijkingswebsite veur de woningbouw. Klantvriendelkhaid stiet dus bi’j Kuipers & Koers Bouw hoog in t vaandel. Mit de komst van heur nieje online applicoaties hoop wi’j dat ze disse lijn in de toukomst moeiteloos veurtzetten kun’n.