Redirects; wat binnen t en wat betaikent t veur mien website?

302, 301, 200, 404: nee, wi’j hebben t niet over de uutslagen van FC Emmen. In disse blog willen wi’j joe metnemen in de wondere wereld van statuscodes van joen website, die van groot belang wezen kun’n veur niet allennig joen vindboarheid mar ok de gebruukerservoaring. Wat is bi’jveurbeeld n 301 redirect of n 404?

Wat is n redirect?

Loat wi’j bi’j t begin beginnen; n redirect is n verwiezing van de aine pagina noar de aander. N redirect is in t leven roupen om gebruukers en zeukmesjiens (ok wel crawlers neumd) van bi’jveurbeeld n olde, noar n nieje pagina deur te sturen. Wanneer ie bi’jveurbeeld de URL van joen homepagina veranderd hebben van joen-bedrief.nl/homepagina noar joen-bedrief.nl/home, kun ie n 301 redirect anangeven. Hiermet stuur ie gebruukers en zeukmesjiens automatisch deur, zonder dat ie verkeer verliezen. Is dat ais handig!
Doarnoast is n bekende de 302. Disse kun ie bi’jveurbeeld instellen as joen website in onderholt is, omdat n 302 n ‘tiedelke verplaotsing’ anangeft. Wanneer ie bi’jveurbeeld n onderholtspagina tiedelk as homepagina gebruken, omdat ie deur Webba krek n mooie website ontwikkelen loaten hebben.
Meschien wel de bekendste van allemoal is de 404, hoewel t niet zozeer n redirect is mar n foutcode. N 404 komt meestal boven as de pagina die ie perberen te benaderen niet of niet langer bestiet en der gien aander redirect (301 of 302) insteld is. Veul bedrieven, veulal webshops, maken effectief gebruuk van de ruumte die zo’n extra pagina beedt en plaotsen der links noar relevante producten gerelateerd an de keywords in de URL of plaotsen n klain ‘grapje’.

Risico’s van redirects: an de ketting!

Klinkt handig, t eenvoudig deurverwiezen van olde noar nieje pagina’s. Echter brengt t ok risico’s mit zuk mit, zoas n redirect chain. Disse term wordt gebruukt om an te geven wanneer n URL meerdere ‘sprongkies’ maken mout om zien eindbestemming te bereiken. N redirect chain nemt ‘crawl budget’ in beslag, woardeur n zeukmesjien as Google minder goed joen pagina’s ophoalen kan. t Kan dan veurkommen dat joen pagina buten de zeukresultoaten valt, of minder gauw n anpassing verwarkt.
Doarnoast kan t joen website vertragen, omdat joen internetbrowser langs meerdere digitale adreskes mout om de wenste informoatie op te hoalen. Hierdeur kun’n gebruukers vroug ofhaken, doar wordt netuurlek niemand blied van!
Wil ie nou nóg meer weten over redirects, redirect chains of wil ie krek dat wi’j t veur joe oplössen? Kom ais bi’j Webba op de koffie! Dan verwiezen wi’j joe mar ain keer deur, noar de juuste persoon 😉 .