SEO: kotte of lange zeuktermen gebruken?

Lange zeukwoorden (long tail zeukwoorden) hebben n hogere conversie. Wanneer de zeukwoorden hail specifiek binnen, kriegen klanten specifieke resultoaten. Ok hebben lange zeukwoorden minder concurrentie, doardeur kommen ze vaak veul gauwer hoog in de zeukresultoaten. Doarnoast bestiet 70% van alle zeukopdrachten in Google uut lange zeukwoorden.

Hoe warkt t?

Kotte (short tail) zeukopdrachten bestoan uut ain, twij of drij zeukwoorden. Wanneer ie mar twij zeukwoorden gebruken zul ie arg veul concurrentie hebben op disse twij zeukwoorden. Doardeur zul ie vaak niet op de eerste pagina’s van Google kommen omdat de concurrentie arg hoog is en vaak grote bedrieven t winnen van kleine bedrieven. Klanten willen geern de meest relevante resultoaten in beeld kriegen woardeur ze vaak meer as drij woorden gebruken.

Stel joe ais veur; ie willen n nieje blauwe blouse mit kotte mouwen via t internet kopen. Wanneer ie allennig “blouse” of “blauwe blouse” intypen zullen de zeukresultoaten niet hail specifiek wezen. Ie zullen dan hail veul resultoaten kriegen mar ie mouten dan nog steeds zeuken noar n blouse mit kotte mouwen. Wanneer ie “blauwe heren blouse mit kotte mouwen” intypen zul ie minder zeukresultoaten kriegen mar wél de resultoaten woar ie noar op zuuk binnen. De klant zal gauwer genaigd wezen om op joen link te klikken en wat te goan kopen.

70% van alle zeukopdrachten bestoan dus uut longtail zeukwoorden. t Is doarom as bedrief arg belangriek dat klanten joe op die menaaier vinden kun’n.

Concurrenten richten zuk vaak allennig op zeukwoorden mit n hoog zeukvolume, wielt de zeukwoorden mit n leeg zeukvolume minder concurrentie hebben. Wat belangriek is om te weten is dat meerdere zeukwoorden mit n leeg zeukvolume tegoare n antrekkelk zeukvolume vertegenwoordigen kun’n. Ok gebruken de concurrenten vaak zeukwoorden tools as Google Keywordplanner. Disse tools geven vaak allennig informoatie vrij over de 30% kotte zeukopdrachten omdat de lange zeukopdrachten te uteenlopend binnen.

Hoe kom ik an lange zeukwoorden?

Allereerst is t belangriek dat ie joe in de doelgroep verplaotsen en joezölf ofvroagen wat heur bezig holt. Deur op die menaaier te denken, kriegen ie beter inzicht in wat veur vroagen ze eventueel hebben kun’n.

Ok kan Google joe helpen mit t vinden van lange zeukwoorden. In de zeukmesjien van Google zit namelk Google Suggest verwarkt. Dit is n handig hulpmiddel om op ideeën te kommen veur lange zeukwoorden. Wanneer ie n zeukterm invoeren in de zeukbalk dan zul ie automatisch meerdere resultoaten zien. Joen zeukterm wordt namelk anvuld mit suggesties vanuut Google.

Doarnoast is Google Analytics ok n handige tool die ie gebruken kun’n om ideeën op te doun veur nieje zeukwoorden. In Google Analytics is n overzicht te vinden van alle zeuktermen woar joen website op vunden is. Ie kun’n disse zeuktermen mit mekoar combineren zodat ie lange zeukwoorden creëren.