Help, mien mail warkt niet!
t Instellen en de verwarking van joen mail kan soms best ingewikkeld wezen. N veulveurkommend probleem is dat ie gien mails meer sturen of ontvangen kun’n. Doarnoast kriegen ie bi’j t instellen van joen mail nog te maken mit termen as POP3 en IMAP. Veur velen binnen dit onbekende termen, mar t is wel belangriek dat de POP3 en IMAP goed insteld worden.
Ie kun’n gien e-mails meer ontvangen
Joen website en joen e-mailaccount binnen gebunden an n bepaolde hoeveulheid schiefruumte. Wanneer ie bi’j t instellen van de mail keuzen hebben veur IMAP, dan blift al joen mail op disse schiefruumte stoan. t Gevolg hiervan is dat joen schiefruumte vol raakt woardeur ie dus gien e-mail meer ontvangen kun’n. N mailbox kan al gauw volraken, deur grote bi’jvoegde bestanden bi’jveurbeeld, veul spam of wanneer ie joen mailbox niet regelmoatig opschonen.
Joen mailbox opschonen
Wanneer ie weer extra schiefruumte creëren willen is t neudig om de e-mail van de server te verwiederen. Dit dou ie deur online in te loggen op joen e-mailaccount (bi’jveurbeeld: www.joendomainnoam.nl/webmail). Wanneer ie vanuut hier de mail verwiederen, is t ok echt verwiederd. Doarnoast is t ok van belang dat ie niet allennig de mails in de inbox verwiederen, mar ok bi’j de stuurde items en netuurlek de prullenbak!
Grote bestanden willen niet stuurd worden
Wanneer ie grote bestanden (groter as 10MB) metsturen in e-mails kan dit veur problemen zörgen. Vaak het n provider t zo insteld dat e-mails die groter binnen as 10MB niet ontvangen of stuurd worden kun’n. t Gevolg is dat disse mails blieven hangen in joen stuurde items en dat ie gien nieje mail meer ontvangen kun’n. In dit geval mout ie disse e-mail zelf verwiederen uut joen stuurde items, woardeur ie weer mail sturen en ontvangen kun’n. Mocht ie vaker mails sturen die groter binnen as 10MB dan kun ie t beste WeTransfer gebruken.
Mails regelmoatig verwiederd mar nog steeds over de schiefruumte hen
Omdat de schiefruumte verdaild wordt over zowel de e-mail as de website kan t soms zo wezen dat ie nog steeds over de schiefruumte raken, wielt ie joen mailbox regelmoatig opschonen. In dit geval is de beste oplossing om over te stappen noar n aander mailsysteem mit meer opslagruumte.
De beste oplossing mit office 365
Veur de mail adviseren wi’j om over te stappen noar Office 365 van Microsoft, hiermet heb ie veur in de toukomst n goed e-mailsysteem. Mit Office 365 bin ie altied bereikboar deur de grote opslagruumte en omdat ie t systeem ok op meerdere apparoaten tegeliek installeren kun’n. t Systeem wordt dan op de verschillende apparoaten mit mekoar gesynchroniseerd.
Office 365 beedt n antal extra meugelkheden en combineert desktoptoupassingen mit professionele veurzieningen veur de e-mail zoas licenties veur Office programma’s (Word, Exel, Powerpoint en Outlook) doata opslag in de cloud, dailde agenda’s, chatten, video-vergaderingen en t dailen van bestanden. Doarnoast beschik ie mit Office 365 over veilige, hoogwaardige tools en kun ie gauwer warken vanof hoast elke plek!
Veur de kosten hoef ie t niet te loaten. N moandabonnement veur n e-mailaccount kost € 5,10 en indien ie n Office pakket wensen kost t € 12,70 per moand.