Goeie branding en hou t joe wieder helpt.
GOEIE BRANDING
Google, McDonalds en Coca Cola. Wat hebben ze gemeen? Juust, ze binnen herkenboar. Dat komt allereerst netuurlijk deur heur producten, mar ok zeker deur heur branding. Goeie branding is t uutdroagen van joen merk richting de grote wereld.
MERKNOAM
n Goeie merknoam. Bovenstoande noamen hebben n herkenboare noam, woarbi’j t niet duudelijk is wat ze percies doun. Dat kun ie toepassen op joen aigen bedrief. Heet ie bi’jveurbeeld Pieter en wil ie n nij kinderdagverblief beginnen? Dan huf ie t niet “Kinderdagverblief Pieter” te nuumen. Kies veur wat leuks, wat blift hangen zoas “Vrolijke boel”. Dat creëert votdoalijk n ander beeld. Heb ie al n noam? Gien probleem. Der binnen genog andere manieren veur goeie branding, bi’jveurbeeld joen uutstroaling.
UUTSTROALING
Kies n goeie uutstroaling woarbi’j joen bedrief goed tot uuting komt. Wi’j hoolden t veurbeeld van McDonalds eem an: de grote “M”. t Heb niks met t product te maken, mar iederain kent t. Zorg dat ie vertrouwen wekken met joen uutstroaling en dat ie blieven hangen. Wees ok consistent in joen uutstroaling. Is blauw joen kleur? Hanteer dan overal joen kenmerkende kleur blauw. t Klinkt allemoal hiel simpel en logisch, mar in de praktijk gaot t ontzettend vaak mis.
UUTINGEN
Joen logo, visitekoartjes, briefpapier, spandouken en nuum mar op. Alles mout op elkoar ansluten veur goeie branding. Alles valt en staot met n huusstijl woarmet ie joen bovenstoande merknoam en uutstroaling kenboar gaon maken. Ok joen website is hierin belangriek, ok al is dat n op zuchzelf stoand product. Branding is overigens n proces dat niet binnen ain dag kloar is. t Is n continu proces woar ie altied over noadenken mouten en rekening met hoolden mouten.
SOCIAL MEDIA
Ok joen social media is belangriek veur joen branding. Creëer n stijl op bi’jveurbeeld Facebook. n Herkenboare stijl, die anslut op joen uutstroaling en uutingen. Nem as veurbeeld Bol.com: zi’j doun t simpel mar doeltreffend deur t logo onder iedere uuting te ploatsen.
AN DE SLAG!
n Goed begin is t halve wark. Loat joe adviseren deur mensen die ervoaring hebben met branding. Der komt meer bi’j kieken as ie in eerste instantie denken, mar t is altied mogelijk. As ie joen uutstroaling vonden hebben die past bi’j joen keuzen doelgroep, zal t zeker resultoat opleveren.
