Is joen website kloar veur de nieje AVG privacywet?
De algemene verordening gegevensbeschaarming (AVG) tredt op 25 mei 2018 in warking. Veur alle lidstoaten in de EU gelden dan dezölfde regels op t gebied van privacy. Veur websites het disse nieje regelgeving grote gevolgen.
t Niet voldoun an de regels kan vanof mei 2018 leiden tot n boete ter hoogte van 4% van de joaromzet en tot n bedrag van €20 miljoen. Lees disse blog dus goed deur en controleer of joen website wel an de nieje eisen voldut.
De nieje AVG wetgeving in t kot
De AVG is n stuk strenger as de veurganger (Wet beschaarming persoonsgegevens). t Is n vri’j uutgebreide wet mit as belangriekste onderdailen veur n website:
- Bezukers mouten actief toustemming geven veur t vastleggen van persoonsgegevens
- N persoon mag de gegevens opvroagen en ok eisen dat de gegevens anepast/verwiederd worden
- Alle gegevens die ie verzoamelen mouten vastleggen wezen
- Allennig gegevens die ie antoonboar neudig hebben mag ie verzoamelen
- De beveiliging van de informoatie mout sterk en up to date wezen.
Disse zoaken mout ie nu veur mekoar kriegen
Disse regelgeving het grote gevolgen. De volgende zoaken mout ie dus veur 25 mei 2018 in orde kriegen.
SSL certificoat
t Grootste gevolg veur veul websites is dat n SSL-certificoat nu verplicht is bi’j webshops en websites die gebruukersgegevens verwarken (bi’jveurbeeld mit n contactformulier). Zo’n certificoat toont an dat ie de persoonsgegevens goed beschaarmen.
Hieronder twij veurbeelden van ssl certificoaten. Ie zien dan https, de bedriefsnoam of “veilig” en n sloatje in de adresbalk stoan.
Mit zo’n certificoat veurkom ie dat ie in overtreding binnen, kriegen bezukers meer vertrouwen en ie veurkommen dat Google joe uut de zeukresultoaten hoalt omdat ze gien onveilige websites weergeven willen.
Wi’j kun’n dit ssl certificoat veur joe regelen. Nem contact op en wi’j helpen joe verder.
Cookietoustemming
Der is n verschil tussen functionele cookies, analytische cookies en tracking cookies. Veur de eerste twij gelden dezölfde regels en volstiet n cookiemelding. Mar veur trackingcookies (bi’jveurbeeld veur remarketing en affiliate marketing) geldt dat bezukers dit niet accepteren hoeven om deur te goan op de website. Cookiewalls magen straks dus niet meer.
Ie mouten der dus veur zörgen dat bezukers ok zonder t accepteren van trackingcookies op de website kommen kun’n.
Email opt-in
t Is nu ok wettelk verboden om t vinkje veur de nijsbrief automatisch an te zetten. Ie zien bi’j veul websites dat ie automatisch inschreven worden veur n mailcampagne of nijsbrieven. Dit mag niet meer. Bezukers mouten hier actief toustemming veur geven deur zelf t vinkje in te vullen.
Dit vinkje mag dus niet meer standaard an stoan.
Bewaren van persoonsgegevens.
De persoonsgegevens die ie verzoamelen mouten antoonboar nuttig wezen veur joen bedrief en gestructureerd verzoamelt worden. Burgers mogen de verzoamelde informoatie namelk bi’j joe opvroagen en eisen dat disse veranderd/verwiederd worden. Zörg der dus veur dat ie dit overzichtelk bi’jhoolden. Mocht joen doatabase mit gegevens van joen klanten hackt worden of dat disse gegevens op n aandere menaaier uutlekken, dan heb ie n meldplicht. Ie kun’n dat hier melden.
Let op:
Webba is gien juridisch bureau. Wi’j hebben ons verdaipt in de gevolgen en op basis doarvan hebben wi’j dit artikel schreven om ons klanten op weg te helpen mit disse wetgeving. Vroag veur zekerheid advies van n specialist.