Huusstijl en website ontwarp onder ain dak.
Ie heuren t wel váker, t is makkelker om alles onder ain dak te hebben. Soms is dat niet zo, mar mit n huusstijl en website ontwarp is dit wel t geval! Woarom? Dat gao ik (Arjan) eenvoudig perberen uut te leggen.
N vergelieking
Ik wil geern beginnen mit n vergelieking. Stel, ie hebben n Nissan anschaft zonder spoiler. Nao verloop van tied liekt t joe toch leuk om n sportieve spoiler monteren te loaten. Ie kiezen der veur om noar de BMW garage te goan om de begeerde spoiler plaotsen te loaten. De BMW specialist het netuurlek gien idee van t reilen en zeilen van n Nissan auto. De spoiler van BMW wordt wel plaotst mar zal der nooit ain van Nissan wezen en dus ok niet de Nissan uutstroaling hebben.
Huusstijl en website ontwarp op mekoar ofstemmen
Datzölfde geldt eigenlek ok veur t combineren van joen huusstijl en website. Deagene die joen complete huusstijl verzörgt het verstand van hoe ie noar buten treden willen as bedrief. N huusstijl komt vout uut n idee. Dat idee zal iemand aans nooit overbrengen kun’n. Vaak as bedrief A de huusstijl ontwikkelt en bedrief B de website leidt dat tot inconsistentie. Loat ie joen huusstijl en website ontwarp deur ain en dezölfde persoon realiseren, zal ie zien dat alles perfect op mekoar ansluut. Dat wekt vertrouwen en straolt tevens professionaliteit uut.
Verschillend
Nu is n huusstijl compleet wat aans as n website. Over baaide mout compleet aans noadocht worden bi’j verschillende uutingen. N huusstijl is netuurlek van herkomst veur offline gebruuk, doar woar n website logischerwies veur online gebruuk is. Toch vlöjt t steeds meer in mekoar over as wi’j t bi’jveurbeeld hebben over Facebook banners tegenover spandouken en Google ads tegenover advertenties. Dan is t handig dat ain persoon kennis het van zowel offline design as online gebruuk van huusstielen. Inmiddels kan ik zeggen dat wi’j veul ervoaring hebben mit t combineren van zowel joen offline as online huusstijl. In die zin binnen wi’j de BMW monteur in n Nissan garage, allennig maken wi’j t wel passend!