De 4 Mijl van Webba.

t Is de dag nao de 4 Mijl van Emmen. Mit hoast 4.000 hardlopers in n bomvol Emmen is de 2e editie ontzettend goed verlopen. Ons eigen hardlopers hebben allennig mit gezonde spierpien te maken. “Gelukkig hebben wi’j n zittend beroep…”.

Trotse sponsor van 4 Mijl van Emmen

Veur ons is t succesvol verlopen van dit evenement extra mooi omdat wi’j zo nauw betrökken binnen bi’j de organisatoren, Dennis Blaak en Richard Klein. t Was fantastisch om te zien hoe ze mekoar opzöchten nao’t de eerste renner de finish passeerde. Wi’j binnen as trotse sponsor netuurlek mar n klain onderdail van de 4 Mijl van Emmen, toch vuilt t ok n bitje as ons eigen kindje. Gelukkig valen wi’j nao disse dag niet in n zwart gat. De heren binnen namelk al druk bezig mit de volgende evenementen!

Mooie dag

t Was n biezundere mooie dag om 6,4 kilometer of te leggen. Ons 9 fanatieke lopers hebben dit dan ok allemoal edaon en hebben ain veur ain n mooie tied neerzet. De dag wörd hail in stiel ofsloten. N delegoatie van Webba het namelk culinair genoten bi’j Hotel ten Cate. Ok dit hebben de heren uutstekend regeld. Eigenlek is alles van begin tot end uutdocht deur de heren, wi’j hebben ze niet op n foutje betrappen kun’n.

Bedankt!

Wi’j willen de organisoatie mit disse weg nog ais bedanken veur n geslaagde dag, van begin tot end. Netuurlek lopen wi’j volgend joar gewoon weer met!