De online marketingtrends van 2022.
Ok dit joar vloegt weer veurbi’j. Veurdat ie t weten stoan wi’j weer mit olliebollen en champagne te proosten op t nije joar. Woar t aind van n joar altied n mooi moment is um weerom te kieken, is t ok n mooi moment um vöruut te kieken. En dat doun wi’j mar al te geern an de hand van n antal online marketingtrends veur 2022.
Viefe online marketingtrends
Dat t internetgebruuk stegen is in de leste twij joar hadden veul mensen an zien kommen. Wi’j waren al niet achter ons laptops en telefoons weg te sloagen, en dat is tiedens de Coronaperiode allennig nog mar arger worden. Online anwezig wezen is de standaard, en disse standaard het n hail bult ontwikkelingen in gang zet. Allns wat wi’j doun, doun wi’j online.
As online marketeer speul ie doar mar al te geern op in. Mar um dat te blieven doun mout ie wel op de hoogte wezen van de leste ontwikkelingen en de verwachte trends. Mit de online marketingtrends van 2022 nemen wi’j alvast n veurproefke op de noabi’je toukomst van de online marketingwereld.
1. Content, content en content
As der wat is woar internetgebruukers gien genogt van kriegen kun’n is t content. t Liefst zo origineel en creatief meugelk. Dagelks nemen wi’j ontzettend veul content op, en ie willen doar as bedrief netuurlek tussen zitten. Um op te vallen in de enorme zee an content en content creators mout ie op de hoogte blieven van de belangriekste trends.
Kotte videocontent
Joen hele boudschap in n kotte video kriegen kan n muilke opgave wezen mar t is zeker de muite weerd. Kotte filmkes holden de andacht van joen bezukers vast. Der wordt gien lange spanningsboog verwacht. Weet ie de boudschap van joen bedrief vastleggen in n kotte video dan binnen ie al gauw mit ain druk op de knop zichtboar op de telefoons van vule kiekers. Kotte video’s binnen ideoaal veur social media (TikTok & Instagram Reels) en vergroten de betrokkenhaid van joen bezukers.
Content recyclen
Elke week mit creatieve en originele content kommen is n uutdaging. Gelukkig is t zeker niet arg um content te recyclen. Heb ie verleden moand n goeie blog schreven? Deel disse op in kottere stukjes tekst en post ze op social media. Zo bereike ie n aander publiek mit deselfde content. Of gooi dat leuke artikel dat ie schreven hebben ais in n videojaske. Deur content in n aandere vorm te gieten, kun ie disse verspreiden over meerdere kanoalen. Volledig anpast an de doelgroep.
2. Social commerce
As wi’j t hebben over online marketingtrends veur 2022, mag social media niet achterblieven. Social media is niet meer weg te denken uut ons dagelks leven. Doarom is t ok gien wonder dat de ontwikkelingen binnen disse kanoalen as paddenstoulen uut de grond schaiten. Ain van disse ontwikkelingen is social commerce. Social commerce is n soort samensmelting tussen e-commerce en sociale platforms woardeur sommige social media zölf in verkoopkanoalen veranderen.
Joen doelgroep op de juuste kanoalen bereiken
Verschillende social media kanoalen hebben verschillende doelgroepen. En krek doarom is social commerce zo’n mooie ontwikkeling. Deur t inzetten van de verschillende social media kanoalen is t meugelk um joen doelgroep gerichter te benaderen. Denk veurdat ie beginnen goud noa over woar joen doelgroep zuk bevindt en hou ie disse benaderen willen. Wat is de boudschap die ie over brengen willen? Heb ie dit duudelk veur joezölf dan is t allennig nog zaak um de juuste content te maken.
Soepele koopervoaringen
De customer journey wordt drastisch inköt deur social commerce. De tied tussen t zien van n product en t overgoan tot ankoop is flink minder. Ziet de consument wat leuks veurbi’jkommen dan kan der direct doar besloten worden of der overgoan wordt tot ankoop of dat der verder kieken wordt.
Doarnoast is t makkelker um de klantenservice zo goud en gauw meugelk te doun. Via n berichtje op Instagram of Facebook kan de consument rechtstreeks contact opnemen mit t bedrief. Aandersum is dit ok interessant. t Bedrief kan rechtstreeks an de klanten vroagen wat de verwachtingen binnen. Vroag bi’jveurbeeld via n verhoal welke van de twij meugelke verpakkingen de veurkeur het.
3. Permissiemarketing
Toustemming vroagen, t liekt de normoalste zaak van de wereld. Mar veur de online marketingwereld was dit niet altied t geval. Marketeers binnen joarenlang oflaid deur mooie technische snufjes die derveur zörgen dat ze mensen volgen kun’n in elke stap die ze online maken. Mar hier begunt n aind an te kommen.
Privacywetgeving
Veul meugelkheden worden beparkt deur de veranderingen in de privacywetgeving. Mar is dit wel zo arg as t liekt? Netuurlek giet der n hail bult informoatie over de consument verloren, mar an de aandere kant is ok al bewezen dat dit gien ramp huift te wezen. Zo het bi’jveurbeeld de NPO n experiment doan mit ”contextual targeting”, woaruut blikt dat ie echt niet allns weten huiven over joen potentiële klanten.
Wanneer disse potentiële klanten vervolgens toustemming geven hebben komt der weer n hail bult informoatie noar boven. t Mooie hieran is dat ie dan niet meer flink investeren huiven in advertentiekösten veur disse klanten. Wanneer de toustemming geven is kun ie gebruuk maken van veurdailige kanoalen as e-mail, sms, push notificoaties en chatberichten.
In de toukomst zullen wi’j n hybride vorm van marketing ondervinden mit gedailelk technologische en menselke interactie. Doarbi’j is t slim um de interactie mit anonieme bezukers op joen website te automatiseren deur gebruuk van ”human like” chatbots totdat ie weten dat ze echt interesseerd binnen. Geef ze doarnoa de menselke interactie die derveur zörgt dat ze over de streep trokken worden.
4. User generated content
Hele zinnen schrieven mit chocomelpakken. Wel het t niet veurbi’jkommen zien. Elk joar komt t weer weerom en zien wi’j op social media de maist rare creoaties veurbi’jkommen. Dit is n geweldig veurbeeld van user generated content.
In n zee van gesponsorde content is t muilek um vertrouwen van potentiële klanten te winnen. t Gebruuk van user generated content zörgt veur herkenning en vertrouwen bi’j joen doelgroep. Wanneer ie zien dat joen buurvrouwe op social media post dat ze ontzettend blied is mit heur nije poar schoun, binnen ie gauwer geneigd um de content as betrouwboar te bestempeln.
In 2022 goan wi’j hier noar verwachting allennig mar meer van zien. Perbeer doarom as bedrief hier meer op in te zetten. Deel berichten van klanten over joen bedrief en perbeer mit leuke acties meer engagement te creëren. Kommen joen producten of diensten al veurbi’j op de socials van joen klanten?
5. Online events worden t nije normoal
Weer n workshop die vroug in de morgen ploatsvindt. Normoal gesproken betaikent dat extra vroug opstoan en joe hoasten um op tied te kommen. Mar bi’j t wegvallen van veul offline events hebben de online events direct t gat vuld. En dat is toch aigelk ok best wel fien.
Normoal gesproken binnen events n trigger veur mensen um samen te kommen. Mar nou de mensen de directhaid en t comfort van n online event ervoaren hebben zullen der genogt wezen die de online events der geern in holden.
Doarnoast zitten der veur de organisator ok n antal veurdailen an. t Opzetten van n offline event kost n hail bult tied en geld. Doar is bi’j n online event minder sproake van. De hoge moate van interactie deur middel van de chatfunctie zörgt ok weer veur n nije dynamiek. En kommen n antal mensen nou te loat? Gien paniek, want n online event is meestal makkelk weerom te kieken op n aander moment. Kortum, van online events binnen wi’j nog lang niet of.
Meer te weten kommen?
Disse ontwikkelingen binnen netuurlek nog mar t punje van de iesberg. Zo binnen der nog veul meer marketingstrategieën en trends die t ankommende joar deurbreken goan. Wil ie geern metgoan mit de tied en op de hoogte wezen van nog meer online marketingtrends veur 2022? Nem dan vrieblievend contact mit ons op um de meugelkheden deur te nemen.