t Online winkeln via joen telefoon of laptop giet veur joe hail makkelk. Mar wusten ie dat der achter de schermen n hail bult processen schoelgoan? Denk an systemen veur de veurroad en distributie, mar ok t ontwarp en bouwen van n webshop. Wil ie weten hou dit in zien wark giet? Dan heb ie geluk! De webbazen van Webba komen joe allns uutleggen in 20 lessen over E-commerce.

Ontmoet de Webbazen

Edwin Gels

Edwin is gespecialiseerd in strategische marketing. Hi’j weet allns over t opstellen en uutvoeren van n marketingplan. Hi’j giet in de lessen proaten over de beste marketingkeuzes veur n E-commerce bedrief.

Jan Leijssenaar

Jan is ons E-commerce specialist. Hi’j weet precies wat der allemoal bi’j komt kieken bi’j de online verkoop en hou n bedrief hierop inspeulen kan. De belangriekste vroag bi’j E-commerce is: hou loat ie alle onderdailen naadloos op mekoar answuten? Dat giet hi’j joe vertellen.

Nemo Strengman

Nemo is ons Full Stack Developer. Dit hollt in dat hi’j software ontwikkelt veur verschillende doeleinden. En netuurlek weet hi’j allns van de bestoande software. In de lessen vertelt hi’j welke software gebruukt wordt bi’j E-commerce.

Melvin Brandjes

Melvin is UI/UX Designer. Zien specialisme is t ontwarpen van n gebruuksvriendelke webshop. Hi’j kan joe vertellen woarom ie zo makkelk deur n webshop navigeren kun’n. Ondertussen weet hi’j precies hou n bezuker de webshop bekikt en gebruukt. Disse kennis deelt hi’j geern mit joe.

Kirsten Picek

Kirsten is ons sales & marketing manager. Ze is gespecialiseerd in strategische marketing en weet precies welke online marketing kanoalen inzet worden mouten um verschillende doelstellingen te realiseren. Kirsten zal in de lessen meer vertellen over t STDC model en de succesformule van Webba veur online marketing.

Nijsgierig worden?

Meld joe dan gauw an via t intranet van t Alfa-college. Anmelden kan allennig mit t e-mailadres van Alfa-college.

Wi’j zien joe geern in september!