Webba groeit noar t grootste webbureau van Drenthe.

Jan Leijssenaar en Edwin Gels stappen samen in t grootste webbureau van Drenthe

t Joar 2020 woarin de coronacrisis hard um zuk hen sloagen het, hebben Jan Leijssenaar en Edwin Gels de handen in mekoar sloagen. De bedrieven dotsolutions en Webba binnen per 1 januari 2021 fuseerd en binnen doarmit t grootste full service webbureau van Drenthe worden. Dat niet allennig in Drenthe, mar ok in de regio Groningen en Overijssel as partner inzet worden kan deur t bedriefsleven, oaverheden, onderwies en zörg.

Digitalisering

Ain van de speerpunten woarin de regio’s Noord- en Oost-Nederland investeren willen, is de digitalisering. De kommende joaren zal dit veur bedrieven steeds belangrieker worden. Dat is ok de vernoamste reden dat disse baaide bedrieven de handen in mekoar sloagen hebben um nog meer kennis en kwaliteit beeden te kun’n.

Diensten

Webba zal niet allennig websites en webshops blieven ontwikkeln mar ok moatwark applicoaties woarmit bedrieven op digitaal gebied meer winst behalen kun’n. Veurbeelden doarvan binnen bestel- en planningsystemen, mar ok interne communicoatieplatforms in n web- of appvorm. t Vervolgens vindboar en zichtboar maken van disse producten mit behulp van online marketing blift ok n belangriek onderdail van de dienstverlening.

Opleidingen

Mit de kumst van de fusie is Webba n interessante speler worden veur noordelke mbo- en hbo-opleidingen. Webba is n leerschoule worden woar studenten op alle takken van t internet leren kun’n van experts op t gebied van strategie, techniek, design en online marketing.

Gemeenten Hoogeveen en Emmen

Vanuut de gemeente Hoogeveen en Emmen wordt mit veul enthousiasme reageerd. De wethoolder van Emmen; Guido Rink en Jan Zwiers van Hoogeveen juigen de fusie tou. Disse ontwikkeling past volgens Guido Rink uutstekend in t beleid woarin hi’j de digitalisering en maakindustrie stimuleren wil. Dit um zo n bi’jdrage te leveren an de economie en warkgelegenhaid in de regio.