Webba in coronatied: de service woar ie an wend binnen, mar krek even aanders.

t Zal joe niet ontgoan wezen: deur de anscharpte regels die op 13 oktober ankondigd binnen binnen veul bedrieven genoodzaakt om nog meer in te zetten op thuus- of contactloos warken.

Ok wi’j geven gehoor an disse oproup. Dat hollt in dat wi’j mit ingang van 14 oktober mit n maximale bezetting van twij persoonen ons kantoor bemannen zullen. Ons oaverige Webbazen zullen vanuut huus invulling geven an heur taken, bi’jveurbeeld n support vroagstuk of ontwikkelingstraject.

Wat verandert der veur mi’j as klant?

Wi’j doun ons best om zo goud meugelk bereikboar te wezen, zowel telefonisch as per mail, ondanks dat wi’j nou groatendails thuuswarken. t Kan echter even duren veurdat ie n collega an de lijn kriegen. Perbeer dan ok vroagen of problemen zoveul meugelk via support@webba.nl of ons whatsappkanoal in te sturen, om zo de druk op de telefoon te beperken.

Wi’j hopen op joen begrip en hopen zo samen Corona onder de knie te kriegen. Webba helpt ondernemers in getroffen branches geern om heur onderneming, al of niet online, vitaal te holden. Doarom beeden wi’j gratis advies an de getroffen sectoren zoas bi’jveurbeeld restaurants, evenementenbureaus, cafés en meer. Dit om krek meer in te speulen op de online markt veur disse ondernemers, om zo toch de deuren online opend te kun’n holden. Meer informoatie hierover? Nem dan contact mit ons op.