Sergio: Mien stage bi’j Webba.

Communicoatie & Multimedia Design, dat is de noam van mien opleiding. Mien noam is Sergio Mensing en ik heb t ofelopen halfjoar stage lopen bi’j Webba. Dit was veur mi’j de eerste keer stage dus veur mi’j was t zeker n nieje ervoaring en ontzettend spannend netuurlek! Gelukkig ok n leerzame ervoaring. Vanuut ons opleiding mouten wi’j zelf op zuuk noar n stage, nao n tiedje zuken kwam ik bi’j Webba terecht. Effectief op internet, makkelk in gebruuk en mooi om te zien, zoas ze zelf zeggen. Ik twiefelde niet om ze n berichie te sturen mit mien portfolio. Dezölfde dag kreeg ik nog n reactie, ze wollen mi’j wel op gesprek hebben. Ik har al n antal mails stuurd mar Webba was de eerste die reageerde.

Nieuw aventuur

Tiedens t eerste gesprek wörd duudelk dat t ging om n gezellig bedrief mit passie veur de opdrachten die ze uutvoerden. Ik mocht 1 september om 9 uur beginnen. Die dag wörd ik veurnoamelk ingewarkt, touvoegd an de groepsapp en veurstelt an elkenain. Mien stagebegeleider legde uut dat ie bi’j Webba as stagiair alles doun mag, zolang ie joezölf mar bewiezen. Ik was vastberoaden om dit te doun! Dat merkte zi’j ok, ras kreeg ik opdrachten mit meer verantwoordelkheid en veur ik t wis was ik ain van de Webbazen.

Mijn Webba

Ongeveer op de helft van mien stage har ik de kans om te warken an t Mijn Webba project. N super toffe uutdaging! Mijn Webba is t klantenportaal wat mementeel in ontwikkeling is. Mit begeleiding van Stefan (ain van de Lead Designers bi’j Webba) kreeg ik de vrijheid om Mijn Webba vorm te geven. Op t gebied van Webdesign en User Experience is dit ain van de projecten woar ik t meeste van leerd heb. N applicoatie as dit befat zo veul onderdailen woar rekening met hoolden wordn mout, de gebruukerservoaring mag hierdeur niet achteruut goan. Der mout goed noadocht worden over hoe dit proces goan zol mouten en dit zo makkelk meugelk maken veur de gebruuker. Dit heb ik mit Stefan hail uutdocht. Zo heb ik ongeveer 10 verschillende versies van t dashboard maakt, dit om der veur te zörgen dat de gebruukerservoaring zo goed meugelk wordt.

Conclusie

Kiekend noar de uutdagende toaken die ik bi’j Webba kregen heb, de goeie sfeer onderling en t feit dat ik mit n voldounde mien stage ofrond heb, kan ik mit n tevreden gevuil weerumkieken op mien stageperiode bi’j Webba. t Is zeker n anroader veur elke student die wat dut mit webdesign of techniek.