nl de en fr

SEO Checklist 2016 – Scoor hoger in Google.

SEO CHECKLIST 2016

Speciaal veur joe heb ik ons SEO checklist 2016 opzet.
SEO is n breed begrip, mar wordt eigenluk aal eenvoudiger maakt deur Google. Allerhande trucjes uuthoalen om hoog te scoren in Google warkt al lang niet meer. t Is zelfs zo dat Google dit ok nog es bestraft met n doaling van joen ranking.

SEO TOOLS

  • Installeer Google Analytics. Vandoag de dag n vereiste. (meten = weten)
  • Installeer Google Webmaster tools. t Gratis tool om joen pagina’s te optimaliseren. Ie kun’n onder andere 404-pagina’s, foutieve titels, technische fouten en duplicate content opspeuren.
  • Installeer Screaming Frog om gauw foute links op te speuren.
  • Met Browseo krieg ie inzicht in technische fouten. Die kun ie doarnoa herstellen.

ZUUKWOORDEN

Met de Google zuukwoordenplanner krieg ie gauw inzicht of joen zuukwoorden interessant binnen en hou t zit met de concurrentie van dat zuukwoord. Soms kun ie joe nog beter focussen op synoniemen, woarvan t zuukwoord minder populair is, mar de concurrentie loager. n Hoge concurrentie is soms niet te verslaon. Leg joe doar dan ok bi’j neer. Doarnoast kun ie joen focus-zuukwoord ok uutbreiden met 2 woorden, woardeur joen zuukwoord specifieker wordt en ie hierdeur meer kans van sloagen hebben.

TEKSTEN

  • Zorg der veur dat joen focus-zuukwoord ok in de URL verwarkt zit. Dat warkt nog altied prima.
  • n Goeie browsertitel is nog altied van belangrieke weerde. Zowel veur joen vindboarheid as veur joen conversie. Wanneer ie met joen browsertitel de bezuker in Google prikkelen kun’n, zorg ie der veur dat de bezuker gauwer klikken zal. Ok hier hecht Google weerde an.
  • H1-, H2-, H3- en H4-koppen binnen nog altied belangriek. Eigenluk gaon wi’j weer terug noar de basis. Bouw joen pagina op as n boek, mar gao hierin ok niet te ver deur. Loat joen zuukwoorden niet in iedere kop terugkommen, mar speel hier creatief met en denk an de kwaliteit van de pagina.
  • Zorg veur minstens 300 woorden. Hierover valt te discussiëren, mar verkies kwaliteit boven de magische grens van 300 woorden.

META DESCRIPTION

  • In de meta description vertel ie eigenluk in t kort woar de pagina over gaot. Zorg der veur dat ie niet meer as 155 karakters gebruuken.
  • Zuukwoorden. Gewoon niet meer doun!

QUICKTIPS

  • Ofbeeldingen. 10 joar terug was dit t optimalisoatietrucje. Op iedere pagina veul ofbeeldingen met goeie bestandsnoamen en ALT-tags en joen ranking schoot omhoog. Vandoag de dag is dat niet meer zo. Wel is t nog altied n belangrieke factor. Zorg dus eem veur n mooie ofbeelding op joen site met n goeie benoaming en ALT-tekst. Joen site wordt der ok nog es vrundelijker en mooier van.
  • Intern linken. Zorg der altied veur dat joen bezuker niet op n dood spoor terechtkomt en adviseer hem om wieder te lezen. Intern linken met n goeie ankertekst (de selecteerde tekst) is nog altied n prima middel veur optimalisoatie.

PAGINA’S

  • Landingspagina. Bekiek iedere pagina as startpagina. Joen bezuker komt soms op n andere pagina binnen as joen homepagina, en veur hem of heur is dat dan ok de startpagina. Denk bi’j elke pagina noa over doelen en vroag joe of: wat wil ik bereiken met de bezukers die op disse pagina binnen? (Votdoalijk n klein stukje conversieadvies.)
  • Duplicate content. Ik heb t al eem kort nuumd, mar zorg echt altied veur unieke aigen kwaliteitsteksten en kopieer nooit teksten van joen concurrenten. Vroeger warkte dit trouwens wel goed, allenig is Google ok wat older en wiezer worden.

ANVULLENDE TIPS

  • Zorg veur n XML-sitemap. n HTML-sitemap is van minder belang, mar t kan soms handig wezen veur joen bezuker. Zorg der dan wel veur dat die overzichtelijk is.
  • Maak n robot.txt an en meld die an bi’j Google.
  • Social media. Google kan der niet onderuut om social media ok mee te nemen in de ranking. Dat is inmiddels ok n belangriek onderdeel worden. In Nederland binnen Facebook, Twitter, Instagram en Pinterest interessant om in te zetten. Verwies vanof disse media veural weer terug noar joen site.

SNELHEID & OPTIMALISOATIE

  • Responsive, oftewel n mobielvrundelijke website. Arg belangriek. Hier heb ik zelf ok verrassende resultoaten van zien, woarbi’j n webshop meer as 16.000 euro omzet per moand extra scoorde via mobiele bezukers. Dit binnen netuurlijk de succesverhoalen, mar responsive webdesign is absoluut n must have in disse tied.
  • Snelheid. Controleer joen websitesnelheid met onder andere Google page speed tools. Snelheid is n belangrieke factor. Wanneer ie n ofbeelding ploatsen, zorg der dan veur dat die ok optimaliseerd is. In n programma as Photoshop kun ie de kwaliteit soms wel op 50% zetten, zonder dat ie kwaliteitsverlies zien op joen beeldscherm, mar de bestandsgrootte wel met meer as 80% verkleind hebben.

HOU DENKT GOOGLE

Google wil heur bezukers de beste resultoaten adviseren. Google kan al gauw zien of joen pagina met t zochte zuukwoord ok interessant is. Verloaten veul bezukers joen pagina gauw, dan is dat al n signoal dat de informoatie veur disse bezukers niet interessant is. Ons focus ligt dan ok op kwaliteit. As de kwaliteit van n pagina goed is, zal dat ok zorgen veur n betere conversie. Wat joen doel ok is. Wi’j hopen dat ie met ons SEO Checklist 2016 hoger gaon scoren in Google!